أهلاً بيك فى بيت الحياة! إنت دلوقتي دخلت البوابة الإلكترونية لبيت الحياة! انت على بعد خطوة واحدة من بيتك. ابتسم واستمتع بالرحلة معانا. انت مش لوحدك! كلنا هنا زيك وبنؤمن بإن الأمل لسه موجود. دلوقتي، ممكن تبدأ الرحلة. تصفح الموقع ونشوفك قريب جداً!

آخر أخبار بيت الحياة

ورش عمل لطلبة الجامعات

فريق بيت الحياة قدم لأعضاء أسرة بداية من كلية الهندسة جامعة حلوان  تدريب عن مهارات التقديم والتواصل يوم الأربع 5 فبراير. متطوعي بيت الحياة على استعداد دايماً لدعم طلبة الجامعات وتقديم تدريبات ليهم في مجال التنمية البشرية والمهارات الشخصية.

ابدأ مشروعك مع وائل الفخراني (المدير الإقليمي لشركة Google)

المهندس وائل الفخرانى، المدير الإقليمي لشركة Google، لبى دعوة بيت الحياة لإقامة محاضرة عن ريادة الأعمال كان عنوانها “ابدأ مشروعك مع وائل الفخراني”. المحاضرة أقيمت بالمعهد القومي للتدريب وحضرها أكتر من 100 شخص. المهندس وائل الفخراني شاركنا بخبرته فى مجال ريادة الأعمال وقدم نصائح كتير للشباب الحاضرين.

أمسية غنائية مع فرقة بهية

يوم الخميس 28 نوفمبر فرقة بهية أمتعتنا بأمسية غنائية حماسية، قدموا فيها أغانى كتير من أغاني للشيخ إمام وسيد درويش، زي “شيد قصورك “و”الفول واللحمة” و”مخسوبكو انداس” و”قوم يا مصرى” وغيرها.

إعلان الفائز بمسابقة “يا جبل ما يهزك ريح” للتصوير الفوتوغرافي

أعلن بيت حياة عن الصورة الفايزة في مسابقة “يا جبل ما يهزك ريح” للتصوير الفوتوغرافي اللي أطلقت يوم 20 سبتمبر اللي فات. الصورة فايزة كانت لحسام فاروق.